Kya aise bhi din dekhne padte hain?
Sach bolun to aaj likhte waqt mere haath kaanp rahe hain. Main ye blog likh raha hoon, lekin lag raha hai jaise apna hi dil kagaz par rakh diya ho. Pehle mujhe 5–6 minute me neend aa jati thi. Aaj ghanto bistar par leta rehta hoon, aankhen band hoti hain par dimaag band hi nahi hota. Raat ke sannate me jab sab so jaate hain, tab main chup-chup kar rota hoon. Main rona nahi chahta… par aansu aa hi jaate hain. Mera college complete hue lagbhag 1 saal hone wala hai . Har din lagta tha ab job mil jayegi, ab call aayega, ab email aayega… lekin inbox khaali hi raha. Roz 10–20 companies me apply karta hoon. Kabhi response nahi aata, aur jab aata hai to sirf ek word — “Rejected” . Kal, 11 February 2026 , maine Interactive Brokers company me interview diya. Mujhe laga shayad yahin se kuch shuru hoga. Par unhone kaha: “Tum IT field se ho, ye New Account Document Processor ka job kyun karna chahte ho?” Maine samjhane ki koshish ki… par unhone suna hi nahi. Bas itna bola ...